Actualidade

Sociedade Cooperativa Galega

 

Lentes certificadas para ver a eclipse solar en Ferrol, Narón e Fene

Nos supermercados de O Val Sociedade Cooperativa Galega poñemos á vosa disposición lentes para ver a eclipse solar que cumpren cos estándares de seguridade esixidos para a súa comercialización.

Porque non tódalas gafas para ver o eclipse do 12 de agosto son iguais…

Estas, que podedes mercar nos supermercados de O Val, Serantes, Xuvia e Perlío, teñen as seguintes características:

  • Certificación ISO 12312-2:2015.
  • Cumpren o Regulamento (UE) 2016/425.
  • Instrucións de uso en castelán.
  • Fabricadas en febreiro de 2026, con caducidade aproximada de 3 anos desde a súa fabricación. Non tedes que tiralas despois deste eclipse.
  • Dispoñemos da documentación de certificación e do marcado CE dispoñible para consulta.

Ceos Galegos: un proxecto de divulgación e ciencia

Estas lentes forman parte dunha iniciativa desenvolvida por Ceos Galegos, un proxecto galego de divulgación científica e comunicación social que promove o coñecemento da astronomía, a cultura científica e a observación responsable dos fenómenos naturais.

Apostar por este produto significa tamén apoiar iniciativas de divulgación científica desenvolvidas desde Galicia para toda a sociedade, e xa sabedes o que nos gusta traballar con proxectos e produtos da nosa terra.

O próximo eclipse solar será un dos acontecementos astronómicos máis especiais das últimas décadas e Galicia converterase nun dos mellores lugares de Europa para a súa observación. Para gozalo con total seguridade é imprescindible utilizar lentes homologadas especificamente para a observación solar, xa que mirar directamente ao Sol sen a protección adecuada pode provocar lesións oculares graves e irreversibles.

Podedes consultar un artigo sobre este tema na páxina web do Consello da Cultura Galega .

Onde mercar as gafas para ver o eclipse en Ferrolterra

As lentes están xa dispoñibles nas nosas catro tendas:

    Unidades limitadas

    Recomendamos realizar a compra con antelación para asegurar a súa dispoñibilidade antes do eclipse. Unha vez esgotadas as existencias, non podemos garantir a reposición do produto.

    Se queredes, podedes chamarnos e reservalas no 981 453 901, ou estar atentos ás nosas canles sociais en Facebook e Instagram.

    Lembrade que na nosa Cooperativa O Val estamos abertos a todo o público en horario continuado de 9:00 a 21:00 horas.

Accesos

  Máis información